من داعش لقبيلة الترابين .. ضياع الدولة المصرية
السؤال هي قبيلة الترابين بتحارب داعش مقابل ايه, أولا أكيد بتاخد سلاح من الجيش علشان حتي لو عندها سلاح فمش هيكون كافي أو مكافيء للي عند داعش , ثانيا أكيد فيه تمويل مادي ماهي مش هتضحي بناس من عندها لله و الوطن , ده غير مزايا تانية ممكن تاخدها من الحكومة في معاملة متميزة أو مناصب أو خلافه, وبكده نبقي في وضع انه الجيش اللي بياخد مليارات من موازنة الدولة بيتحول لممول ومسلح لميليشيات ملهاش أي صفة رسمية علشان تقوم بمهام المفروض انها خاصة بالجيش و الشرطة وده طبعا مالوش علاقة بفكرة الدولة الا لو كانت دولة زي دولة القذافي بقبائلها أو العراق بميليشياتها وصحواتها 10 مايو 2017 كتبت الكلام ده من 7 سنين، وجه الوقت اللي بنشوف نتيجته مع اتحاد القبائل والزعيم ابراهيم العرجاني، واعادة لتجربة حميدتي في السودان، ولا حد فكر أو قال ايه الضمانات اللي هناخدها، نفس طريقة المشاريع من غير دراسة جدوى، ومحطات الكهربا اللي هتخليها تقطع ساعتين كل يوم