البابا يصلي لمبارك ..مبارك مشي .. البابا يصلي للمجلس العسكري
قال البابا شنودة الثالث بابا الإسكندرية وبطريرك الكرازة المرقسية: "نحن نصلي في الكنيسة من أجل المسؤول الذي تؤول إليه السلطة في مصر"، وأضاف البابا خلال عظته الأسبوعية أمس الأربعاء ردا على سؤال حول الصلاة للحاكم، "إن القداس يشهد الصلاة من أجل الرئيس فكيف تتم الصلاة ولا يوجد رئيس في البلاد؟.. كانت الكنيسة تصلي من أجل الملك وعندما ذهب الملك أصبحت تصلي لرئيس الجمهورية .. وعندما ذهب رئيس الجمهورية فأصبحت تصلي للمسؤول عن البلاد وهو المجلس العسكري".
الكنيسة بتتعامل مع الحاكم علي طريقة مات الملك عاش الملك , ماهو اما انها هتدخل في السياسة و ساعتها يبقي مينفعش تكون مع الحاكم ايا كان , او انها تبتعد عن السياسة (و ده الاحسن) و تصلي لمصر الدولة و لشعبها مش للحاكم لان مصر هي الاهم مش اللي بيحكمها,ده فاضل تدعي 0 اللهم وفق ولاة امورنا لما تحبه و ترضاه) و (اللهم ولي امورنا خيارنا)
.png)
"ده جزء اصيل من القداس الغرض منه الصلاة من اجل سلامة الرئيس - بما انه رمز للبلد "
ReplyDeleteيعني مبارك كان رمز للبلد ! و ازاي هتعارضه او تسقطه و هو رمز للبلد الفكر ده هو بالظبط فكر السلفيين في عدم الخروج علي الحاكم و الاتنين كانوا ضد 25 يناير و دلوقتي الاتنين بيخطبوا ود المجلس العسكري لانهم محتفظين بنفس الفكر
مش هزود كتير على رد مشمش
ReplyDeleteالكنيسة بتصلى للحاكم بمعنى اشمل مش لشخص بعينه حضرتك
مش عارفة بصراحة هل الصلاه من اجل الناس مهما كانوا ظالمين افضل
ولا الدعاء عليهم بالحرق والشلل والسرطان و و و افضل ؟
والصلاه مش معناها ابدا تدخل فى السياسة
الصلاه علشان السلام
انت بتقول المفروض الكنيسه :تصلي لمصر الدولة و لشعبها
ReplyDeleteانا قولت رئيس مصر رمز مصر سواء ان كان حلو وحش ده مش حوارنا ثم هل لو رئيس مصر كلب اجرب وتم الاعتداء عليه في اي مكان هيكون الاعتداء عليه موجهه لشحصه بس ولا موجهه للبلد.
ثم لو هتمشي بالمبدأ ده ليه نصلي اوشيه الزروع والحصاد ومياه النيل ... مفي اسمدة زراعيه وفي ادوات لتحليه المياه وليه نصلي من اجل سلام الكنيسه ما نرفع قضيه قدام محكمة العدل الدوليه ...وليه نروح الكنيسه مانتفرج على القداس في التليفزيون ... عموماً لو مضايقك قداس الكنيسه القبطيه ممكن تصلي مع البروتستانت ... مع كل احترامي وحبي الشديد ليهم هما ريحوا نفسهم من حوار القداس ... بس برضه هتلاقيهم بيعملوا اجتماعات صلاة بيصلوا فيها من اجل مصر وشعبها ورئيسها وحكومتها
عموماً الكنيسه ولا خبطت ود المجلس العسكري ولا نيله ..البابا بس طلب ازاله القوانيين اللي بتعيق تطبيق المواطنه
طنطاوي هو اللي راح للبابا مش البابا اللي طلب المقابله
الاخوان هما اللي عايزين يتقابلوا مع البابا
مفيش اي طلب وجهته الكنيسه القبطيه علشان تاخد حاجة مش بتاعتها... ومفيش اي تعليق صدر من الكنيسه الا التعليق على قانون دور العبادة الموحد وكلام غير رسمي عن الرغبه في وضع قانون احوال شخصيه للمسيحين
وبعدين زعلان علشان الكنيسه بتصلي من اجل حاكم مصر ... تحب نلم بعض ونقعد نقول اللهم يتم اطفالهم ورمل نساؤهم ... اللهم اجعل كيدهم في نحورهم ... اللهم اجعل اولادهم ونساؤهم عنيمه لنا ... اللهم ارحم موتى المسيحين ...اللهم انصرنا على القوم الكافرين ...
MishMis
الصلاة من أجل مصر بتحصل فعلا في القداس الارثوذكسي والبروتستانت بيعملوا ايام للصلاة من اجل مصر في تجمعات ضخمة.
ReplyDeleteلكن الصلاة للحاكم مهما كان شيء جيد جدا لأن الكنيسة ليست جهة سياسية أو لها مرشح ده صحي جدا وأتمنى كل المتحدثين بأسم الاديان يعملوا كده.
و اذا كان الحاكم مستبد وظالم هل ممكن الكنيسة تصلي من اجل رحيله ؟ معني انك تصلي للحاكم انك مديله شرعية.. انا اللي باقوله انه متكونش الصلاة لصاحب منصب ايا كان الصلاة لمصر عموما
ReplyDeleteبعد التحية ..
ReplyDeleteتم اضافة مدونتكم الى ـ مدونون بلا قيود ـ
وسوف ننشر مواجز وروابط لكل تدويناتكم خلال نصف ساعة من نشركم لها
لمزيد من التفاصيل http://modawenon.tumblr.com/icq
ولكم فائق الحرية والاحترام
.
http://twitter.com/#!/modawenon/status/84286292313124864
.
واذا كان اكاونت التويتر دة @abonadara مش بتاعك,ابقى ادينى خبر
شكرا علي الاضافة و الاكونت مش بتاعي فعلا
ReplyDeleteهي صلاة تقع تحت بند الصلاة من أجل مصر ونصها من القداس "السلاطين" فزمنها وملابسات اضافتها معرفهاش بس بفرض نظريتك
ReplyDeleteالكنيسة هتحدد الراجل ده وحش ولا لأ
هيبقى ليها أكيد مرشح تاني تدعمه
تكسر عينة بأعداد المصلين والدعوة ليه
تراقب آدائه لما يكسب
بس كده .. رجلها جت في السياسة