رابعة العدوية متورطة في قضية هشام بركات ..و منعنا الملاك جبريل
حوار بين المنطق و العبث في مصر 2015
و عملتوا ايه في موضوع النائب العام ؟
= عاقبنا رابعة
- ايه ده طلعت واحدة اسمها رابعة هي اللي ورا موضوع الاغتيال
= لا يا عم رابعة العدوية دي ماتت من ييجي الف سنة شلنا اسمها من الجامع اللي في مدينة نصر علشان الاخاوان كانوا معتصمين هناك من سنتين
- ايوه التحقيق بتاع القضية وصل ل ايه ؟
= عاملين حظر نشر و لسه ما اعلنوش النتايج
- طب ايه اللي دخل القضية في تغيير اسم الجامع ؟
= علي فكرة افتتاح قناة السويس الجديدة هيبقي عالمي علشان تبقي فاهم
.....................................
- و بعدين بعد ما شالوا المجانين اللي قالوا ان جبريل نزل في رابعة ايه اللي حصل
= ابدا .. مسك ناس مكانهم و منعوا جبريل من السفر
- الملاك جبريل ؟
= لاء جبريل اللي بيدعي.. اصلهم خافوا و هو بيدعي يكون جبريل في رابعة فيوصل الدعا لفوق
.png)
Comments
Post a Comment