أبو نضارة .. مدونة مصرية منذ عام 2009

 في اذاعة صوت العرب سمعت حوار للفنان أحمد خليل أثناء ذروة الكورونا في عام 2020 ، كان بيشتكي من الكمامة اللعينة اللي بتخنقه وانه ملتزم بالتباعد الاجتماعي من قبل الكورونا بحكم السن ، و اغلب مشاويره بتكون للدكاترة، المفارقة طبعا انه للأسف اتوفى بالكورونا في 2021 ، كان تخرج خليل في فترة السبعينات من معهد السينما ليه تأثير سلبي بشكل ما على مساره الفني لأنه بعد أعمال قليلة في مصر ، انتقل لدبي ودي كانت فترة ازدهار المسلسلات المصرية من انتاج ستوديوهات الخليج واستمر هناك لمدة 15 سنة، فكان معروف جدا في الدول العربية بس محدش يعرفه من الجمهور المصري، وده اللي بعده عن السينما اللي ادواره فيها قليلة، و اتكلم عن دوره في "كتيبة الاعدام" وانه الرقابة حذفت 5 مشاهد ليه في الفيلم، لأن دوره كان الظابط اللي بيرأس ممدوح عبد العليم واللي كان نفسه يكون زيه في شبابه متحرر من قيود المؤسسات الأمنية ولكن اصطدامه بيها منع ده، فالرقابة حذفت كل المشاهد اللي بتتكلم عن تاريخه مع المؤسسات الأمنية، وبيقول خليل انه بعد رجوعه من دبي كان الناس اللي ماتعرفهوش بتندهش من وجود ممثل جديد في سن كبير نسبيا مع قدرات ت...

  #سلم_نفسك فجأة يضيء النور ليظهر السيسي ممسكا بميكروفون ليتوقف العرض المسرحي ليبدأ السيسي: بعد اذنكم انا عايز أقول كلمة الشاب اللي شوفناه في العرض قدامنا ماكانش لازم يتصرف بالشكل ده احنا كده بنصدر الاحباط لشبابنا ونتعامل بشكل لا يليق مع مشاكلنا ..يا ريت الفصل التاني نشوف فيه تعديل للسلوك الخاطيء ده أنا أسف ف لو كنت ضايقت جد بكلامي ..اتفضلوا يظهر خالد جلال مبتسما للرئيس علي خشبة المسرح مغمغا بكلمات تمام ومظبوط تُطفأ الانوار ويُستأنف العرض #مشهد_خيالي_متوقع كتبته من 7 سنين على انه مشهد خيالي, لم يفوت الرئيس المصري عبد الفتاح السيسي التفاعل مع انتقادات الشارع المصري للأعمال الدرامية التي تعرض خلال شهر رمضان 2025. وخلال حفل إفطار، طالب السيسي بضرورة تقديم أعمال إيجابية محذرا مما وصفه بـ"الغث" و"الهزل" من الأعمال. تحول لمشهد واقعي بيعتزل بسببه مخرج زي محمد سامي، وده لأنه الديكتاتور بيشعر مع الوقت انه يقدر يتحكم في كل شيء الواقع والخيال، الناس والمسلسلات، مادام الكل بيطيع بيتحول ل اله، وبيفهم في كل شيء من الاقتصاد والسياسة للزراعة وتربية البقر والخيول، وبتكون النتيجة ه...

  تبدو مصر كواحة آمنة عند المقارنة بما تشهده فلسطين من ابادة جماعية، ولبنان من عدوان  صهيوني مسلح، والسودان من حرب أهلية، وفي حالة استقرار أمني بعد سنوات طويلة دامية من العنف المتبادل بين الجماعات الإسلامية المسلحة والدولة المصرية، لكنها لا تخلو من مصائب ومصائد الخطر التي قد تأتي من مستصغر الشرر. شر الطريق  مجرد التواجد في الشارع المصري الحافل بكل أشكال الفوضى يعرضك لعدة أخطار، عبورك للطريق في ظل التوسعات والكباري وغياب إشارات المرور وكباري المشاة هو مخاطرة قد تعرضك للموت أو الاصابات المتعددة، واذا كنت قائدا لسيارتك فخطر الحوادث قائم في ظل عدم الالتزام بالسرعات أو الاتجاهات أو قواعد القيادة، و عدم قواعد حاكمة لتعويض المتضرر الذي سيستغرق وقتا طويلا  للحصول عليه في حالة اللجوء للقانون، قد يأتي الخطر في انقلاب أوتوبيس أو تصادم قطار أو غرق مركب أو معدية، أو حتى ركوب المصعد، مزيج الفشل والفساد كفيلان بخلق كوارث لا نهائية. أما بالنسبة للسيدات والفتيات فهناك خطر اضافي، التحرش اللفظي أو الجسدي الوارد حدوثه في الشوارع والمواصلات ،سواء كن مترجلات أو جالسات داخل سيارة خاصة أو و...

من المقولات المكررة لمؤيدي حكم الجيش، انهم بيدعموا الدولة  ضد جماعة الاخوان الارهابية، مع الاستشهاد بحوادث الاغتيالات اللي شاركت فيها الجماعة قبل يوليو 1952. صحيح ان جماعة الاخوان شاركت في حوادث عنف واغتيالات قبل يوليو 1952، لكنها ما كانتش الوحيدة، أغلب القوى السياسية شاركت في عمليات عنف بدرجات مختلفة، ضد الا نجليز وضد المصريين ووصلت لمحاولة اغتيال سعد زغلول باعتباره خاين. والسادات نفسه شارك في عملية اغتيال أمين عثمان باعتباره خاين، ومات بنفس الطريقة، ومش بس السادات، تنظيم الظباط الأحرار قام بمحاولة اغتيال اللواء حسين سري اللي كان مرشح الملك في انتخابات نادي الضباط أمام  اللواء محمد نجيب مرشح الضباط الأحرار, وشارك جمال عبد الناصر في محاولة الاغتيال اللي فشلت. الضباط الأحرار الارهابيون وده معناه انه تنظيم الظباط الأحرار تنظيم ارهابي بيقوم بعمليات اغتيال زيه زي الاخوان المسلمين، الفرق الوحيد انه نجح في الاستيلاء على الحكم وأصبح صاحب شرعية استخدام القوة الرسمية، لكن دي شرعية باطلة لأنها اتبنت على باطل، ولا يزال الجيش بيحكم مصر بحكم شرعية 23 يوليو اللي استولى فيها تنظيم ارهابي على...

  في مقهى سكندري أنيق بالشاطبي، أجلس مع زوجتي في مساء يوم جمعة، التليفزيون مغلق، وجهاز الراديو القديم المنتمي لفترة التسعينات كما يبدو يصدح باذاعة "أم كلثوم"، التي كانت علامة اذاعية بارزة، توارت مع دخولنا لعصر ال اف ام الذي أنتج معادلا موضوعيا جديدا لها هو اذاعة الأغاني، تنتمي اذاعة أم كلثوم لزمن ما قبل الفاصل، تنساب الأغاني متتالية، بلا مذيعين ولا تنويهات، بلاي ليست بلغة العصر، تم اعدادها بناء على تراتبية قديمة، تجمع بين كبار المطربين وأصحاب الأغنيات الخفيفة لذلك الزمن، ولكنهم جميعا يبدون كفواتح شهية للطبق الرئيسي "أم كلثوم"، نلاحظ المعرفة المتبادلة بين أغلب رواد المقهى، واندماج غالبيتهم في لعب الدومينو بحماس على أكثر من طاولة، تملكني شعور بالخروج من الزمن الحالي، والعودة لأيام مضت، تكون الدومينو فيها وسيلة الترفيه والتفريغ الرئيسية في الحياة، وهو شعور كثيرا ما احسست به في أيام اقامتي في الاسكندرية، كأن الخروج من القاهرة هو خروج من المكان والزمان معا، يمكنك بسهولة الانفصال عن التطورات اليومية بهروبك من العاصمة، الناس أكثر استرخاءا بسبب ذلك الانفصال المزدوج، تغيب رو...

  من أكتر الكتب اللي أثرت فيا في فترة المراهقة، كان كتاب كسف تكسب الأصدقاء لديل كارينجي، وفاكر منه الفكرة اللي كانت جديدة عليا وقتها، ما حدش بيقول أو بيعترف انه غلطان أو مؤذي أو شرير, وجاب مثال ساعتها ل "آل كابوني" زعيم المافيا وهو بيتكلم عن انه شخص بريء ومسالم. الناس بتسأل نفسها هو ازاي الظالم او الديكتاتور أو الحرامي بينام، الاجابة في أغلب الأوقات النفس البشرية بتقدر تبرر وتحور الأحداث، والشخص ده بيبص لنفسه انه عظيم أو مظلوم أو عمل ده غصب عنهأو ان دي طبيعو الحياة، أو انه لو ماتغداش بالناس هيتعشوا بيه. تحليل الحشيش ولما تبص هلى صفحة  شهد سعيد لاعبة سباق الدراجات اللي تعمدت تصيب منافستها علشان ما تسبقهاش، تلاقيها مليانة بوستات دينية وكلام ان حظها قليل و يا رب اكرمني، وممكن تشوف المبررات دي في فيلم "العار"" وازاي الابن  كمال تاجر المخدرات بيبرر انها مش حرام زي الخمرة  وان كانت حرام ادينا بنحرقها. وعلشان كده ما بتلاقيش في الحياة الحقيقية شخص من كبار الفاسدين أو أصحاب المناصب بيطلع يتوب زي الأفلام العربي ويقول سامحوني يا ناس، أقصى ما يمكن يعمله انه بفلوسه ومنصبه ا...